Escultura de marbre deth sègle I dC que represente era divessa Venus. Fotografia d’Antonio Guillén, Musèu de Badalona.
Escultura que represente Venus, divessa dera beutat, er amor e era fertilitat. Ei hèta damb marbre de Carrara. Li manque eth cap, mès ena esquia, sus es espatles, encara se pòden veir es puntes de dus flòcs onduladi de peus. Eth rafinament e era perfeccion tecnica dera pèça hèn a pensar que s’escalprèc en un talhèr italic especializat en aguest tipe de produccions. Era figura ei inspirada ena Venus de Cirene. Se trobèc as ans 1930 enes catacions deth Clòs de la Torre, apròp der actuau musèu.
