Conjunt de veirines dera exposicion permanenta deth musèu a on se mòstren es pèces arqueologiques que s’an recuperat en Badalona. Fotografia d’Antonio Guillén, Musèu de Badalona.
Era exposicion permanenta deth musèu recuelh ua ampla mòstra des objèctes arqueologics que s’an recuperat dempús que s’inicièren es catacions ena ciutat, en decènni deth 1930.
Era mòstra s’estructure en diferenti tèmes: a compdar deth trabalh deth hèr o eth uas enquia era escritura, era codina o es jòcs, en tot passar pera religion, es pesi e es mesures o eth trabalh deth hiu. I destaquen mès que mès es veirines a on se mòstren es pèces mès emblematiques, coma era escultura en marbre dera divessa Venus, eth vas des Naus —d’epòca iberica—, era tabula hospitalis —a on apareishen mencionadi peth prumèr còp es ciutadans de Badalona o baetulonenses— e es gahons de bronze d’ua des pòrtes dera muralha dera ciutat. Tanben cau mencionar er airau destinat ath culte funerari, damb tres estèles iberiques, nombroses rèstes d’inumacions e incineracions d’epòca romana e un monument a grana escala. Er espaci expositiu includís un audiovisuau que repasse brèvament eth procès de romanizacion de Catalonha e es caracteristiques dera ciutat de Baetulo e eth sòn entorn; tanben mos endintre en bèri uns des bastiments mès notables, coma es tèrmes, eth teatre e ua casa amonedada o domus.
