Roïnes d'Olèrdola. Autor: Alberto-g-rovi
Eth mes de seteme de 1971, dempús de quauques reformes ena glèisa e era construccion d'ua naua bastissa en lòc aucupat per ua antica masia-rectoria, eth conjunt monumentau d'Olèrdola se daurís ath public. En 1995 eth conjunt monumentau d'Olèrdola passe a èster ua des sedences deth Musèu d'Arqueolgia de Catalonha, e a compdar de 2014 ei gestionat pera Agéncia Catalana de Patrimòni Culturau. Olèrdola siguec declarada Ben Culturau d'Interès Nacionau er an 1931 e Ben d'Interès Culturau (BIC).
Eth Conjunt Monumentau d’Olèrdola forme part dera Rota des Ibèrs.
Olèrdola a ua situacion privilegiada entre era plana deth Penedés e Garraf. Des dera preïstòria, es sòns estatjants i an deishat era sua peada: un poblat ibèr, ua fortificacion romana impressionanta e ua ciutat medievau, damb glèises preromaniques e romaniques e cavòts medievaus catadi ena ròca.
Vos recomanam anar ben cauçadi entà caminar pera montanha, aigua e ròba d'abric o ua casqueta entath solei segons era sason. Ath long der an, aufrim diuèrses visites guidades e visites teatralizades ath Parc Naturau e ath Conjunt Monumentau. Atau madeish, s'ètz excursionistes e vos shaute hèr montanha, podetz hèr era rota circulara deth castèth d'Olèrdola.
Vos animam, donques, a descorbir aguest magnific conjunt plen d'istòries, en miei deth Parc Naturau d'Olèrdola, en còr de Penedés!
INFORMACION
ADREÇA
Castell d'Olèrdola s/n08734 Sant Miquel d'Olèrdola
Olèrdola (Alt Penedès, Barcelona)
TARIFES
Entrada: 5,00€
Entrada reduïda: 3,00 €
- Es persones de 65 ans o mès
- Pensionistes
- Es persones titolares deth Carnet Jove
- Estudiants damb carnet d'estudiant internacionau
- Es persones damb carnet de familha nombrosa o monoparentau
- Grops non toristics de 10 o mès persones damb resèrva prealabla Se s'agís d'un grop o bèth membre a dret a entrada gratuïta pòt contunhar gaudint d'aguesta reduccion
Entrada gratuïta:
- Es persones menores de 16 ans
- Es persones en caumatge
- Es persones membres der ICOM (International Council of Museums) o der ICOMOS (International Council of Monuments) degudament acreditades
- Es persones membres dera Associació de Museòlegs de Catalunya degudament acreditades
- Es persones guides toristiques professionaus degudament acreditades
- Es persones professores d'ensenhament reglat acreditades pera direccion deth centre educatiu
- Es professionaus de premsa degudament acreditats que, en exercici deth sòn trabalh, agen comunicat prealablament per escrit era sua visita
- Persones damb certificat de discapacitacion. Er/a acompanhaire/a aurà tanben tarifa gratuïta s'era targeta acreditativa identifique qu'era persona a de besonh acompanhaire/a
- Familhes d'acuèlh degudament acreditades
- Grops d'estudiants (alumnes deth sistèma educatiu de regim generau e d'educacion especial damb professor) qu'agen hèt resèrva prealabla
- Prumèr dimenge de cada mes
D'auti descompdes:
- Es grops que contracten era entrada a trauès d'empreses d'intermediacion toristica o similar gaudiràn d'un descompde deth 25% sus era tarifa que calgue aplicar. Er o era guida o acompanhaire/a autorizat/ada deth grop serà exemptat de pagament d'entrada.
TELEFÒN
+34 93 938 181 429 / 675 78 29 36WEB
http://www.macolerdola.cat/ca/ORARIS
Del 16 de desembre al 28 de febrer, de 10 a 16 h
Setmana Santa (Dv Sant, Ds i Dg de Pasqua), de 10 a 19 h
Del 1 de març al 31 de maig, de 10 a 17.30 h
De l'1 de juny al 30 de setembre, de 10 a 20 h
De l'1 d'octubre al 15 de desembre, de 10 a 17.30 h
Tancat els dilluns (excepte festius), Any Nou, Reis, Nadal i Sant Esteve
COM ARRIBAR-I
Era carretèra qu'amie dirèctament tath conjunt (BV-2443) se trape en km 10 dera carretèra C-15 de Vilafranca del Penedès tà Vilanova i la Geltrú, entre es pòbles d'Olèrdola e Canyelles. Cau seguir era senhalizacion de carretèra Castell d'Olèrdola.
