Miniatura d'anfòra iberica procendenta deth Turó de la Rovira (Barcelona). Datada entre es sègles IV e II aC. Museu d'Arqueologia de Catalunya. Barcelona.
Aguesta pèça imite a petita escala (14 cm de nautor e un diamètre de lèu 5,4 cm) un des vasi ceramics mès peculiars e caracteristics dera cultura iberica: era anfòra. Aguesta ère un contenedor utilizat autant entà emmagazemar productes alimentaris, liquids o semiliquids coma entà transportar-les entara sua comercializacion, fonamentaument per via maritima. Es anfòres circulauen per tota era Mediterranèa ena antiquitat e èren de formes e de pastes diferentes, hèt que permet identificar era origina e conéisher es rotes des batèus e en definitiva deth comèrç.
