Es ibèrs. Es poblacions indigènes de Catalonha. Era civilizacion des ibèrs se desvolope en Catalonha entre es sègles VI e II aC.
Es ibèrs non sorgiren deth nonarren, ne d'un dia tar aute. A compdar deth sègle VI aC, estimuladi e influïdi pes contactes damb fenicis e grècs, es pòbles indigènes dera vessant orientau dera peninsula Iberica ede delà des Pirenèus evolucionèren entà naui modèls sociaus, economics e culturaus que les caracterizen coma ua civilizacion autoctòna: urbanisme complèxe, usatge generalizat dera metallurgia deth hèr, jerarquizacion sociau, sistèma d'escritura pròpri o hilat de contactes e intercambi damb es pòbles mediterranèus. Maugrat er aire de familha que semblen aufrir-mos es ibèrs a prumèra vista, era civilizacion iberica non siguec ni unifòrma ni omogenèa.
En aguest espaci s'expòsen materiaus d'aguesta civilizacion qu'existic hè mès de 2.500 ans (sègles VI-I aC), entre es quaus destaque eth "tresòr" de plata deth poblat de Castellet de Banyoles (Tivissa).
