Campanau de Sant Fèlix

Eth campanau de Sant Fèlix se bastic eth 1738 ath costat dera glèisa que s’auie bastit en sègle XV. Ei d’estil barròc, de planta octogonau e damb quate còssi: es tres prumèrs de pèira e eth darrèr de rajòla de tèrra cueta. En interior consèrve vestigis dera anciana capèla deth Roser. Se’n pòt visitar era cramba, a on i a un relòtge modernista; eth comunidor, a on se mòstren bères pèces trobades enes catacions hètes enes vòutes, e er estatge des campanes. Es sòns 37 mètres d’auçada lo convertissen en un excellent guardader sus era ciutat.