En 1985, enes entorns de Llavorsí, se localizèc un depòsit de 148 pèces de bronze. Ère constituït per objèctes d'ornament (braçalets, botons, plaques de correja), pigasses, armes (fragments d'espasa e cnemida, placa de proteccion entath cauilhar), ua pèça de garnidura entà shivaus, plana damb anèra o cocarda.
Eth conjunt ère amagat, de manèra intencionada, en miei de pèires. Eth bronze ère un materiau escàs e cotizat, susceptible d'èster reaprofitat de manèra contunhada; per aguesta rason, ei possible qu'aguest petit tresaur siguesse amagat enes darrèri ans deth sègle VIII o es prumèrs deth VII aC, damb era finalitat de recuperar-lo.