Gerleta liturgica, 713-717, bronze.

Localizada en castellum de Sant Julià de Ramis (Gironés) en an 2000, aguesta gerleta se trapaue en ua petita estança laguens d'un nivèu de desmoliment produsit de manèra naturau per abandonament pacific der endret entre 713 e 717.

Era gerleta ei de bronze e se recuperèc totaument sancera, ei estilizada e a forma de husèth. En còth se localize ua banda, que laguens, un còp acabada era pèça e damb un burin, s'i gravèc damb tota claretat, elegància e precision era inscripcion següenta:

+ SINDE + ARES BITA D S

que se poderie liéger coma:

+Sinde +Ares bita D(eus) o D(ominus) s(eruet)

e revirar coma:

(Que) eth Senhor (o Diu) (con)sèrve era vida a +Sinde (e) a +Ares