Es mestièrs artesanaus de principis deth sègle XX. Fotografia de Pepo Segura (MHC).
Pendent eth prumèr tèrç deth sègle XX era indústria catalana viu ua etapa de diuersificacion, caracterizada per espandiment dera electricitat e es derivats deth petròli. Eth movement obrèr se consolide damb era fondacion dera CNT (1910) e artenh era instauracion dera jornada de ueit ores (1919). Pendent eth decènni de 1920 s’inície era prumèra grana ondada immigratòria provienta deth sud-èst peninsular.
Des de 1901, era mapa politica ei protagonizada pera Liga Regionalista e pes partits republicans. Era Mancomunitat de Catalonha (1914-1925) fusione es quate deputacions provinciaus, jos era presidéncia d’Enric Prat de la Riba. Damb era proclamacion dera Dusau Republica, en 1931, se balhe pas ara creacion dera Generalitat. Francesc Macià e Lluís Companys, d'Esquèrra Republicana de Catalonha, en devien presidents successivament. Eth còp d’estat militar de junhsèga de 1936 inície tres annades de sagnosa guèrra civiu. Era victòria franquista en 1939 senhale er inici d’ua longa dictadura e era abolicion dera autonomia.
