Seat 600 © dera fotografia: Fotografia de Pep Parer (MHC).
Era dictadura deth generau Franco, 1939-1975, se caracterize pera repression des sectors democratics e de quèrres. Enes prumèri decènnis, era politica d’autarquia e es conseqüéncies dera guèrra amien eth país tar en·honsament economic, tath racionament e tara misèria. Era dubertura economica, iniciada en 1959, genère cambiaments importants: entrada de capitaus estrangèrs e diuersificacion industriau, aparicion deth torisme, grana ondada immigratòria e generalizacion dera societat de consum.
Era oposicion ath regim, iniciada eth madeish 1939, se reorganize e artenh ua preséncia populara importanta. Ua naua generacion, que non viuec era guèrra, s’ahig ath movement democratic. Dempús dera mòrt deth dictador, ua naua Constitucion democratica, de 1978, e un nau Estatut d’Autonomia, de 1979, senhalen er inici d’ua etapa de libertats.
