Catalunya.cat: Retrat dera Catalonha contemporanèa, 1980-2007. Fotografia de Pep Parer (MHC).
Era societat catalana a viscut, des de 1980, eth periòde d’autogovèrn politic mès long dera sua istòria contemporanèa. Ath madeish temps, Catalonha a creishut demograficament, s’a diuersificat sociaument e culturaument de manèra extraordinària e eth sòn territòri a experimentat ua prigonda transformacion, damb eth milhorament deth hilat d’infraestructures, era proteccion deth mèdi ambient e es servicis der estat de benestança. Aué èm mès, mès vielhi e mès diuèrsi, damb mès autonomia, damb ua economia mès competitiva, damb mès equipaments publics... Mès, gaudim des madeishi drets? Auem es madeishes oportunitats? Èm mès satisfèti?
Er encastre mòstre ua projeccion audiovisuau de longa durada que, jos eth títol Catalunya.cat, presente de manèra sintetica era trajectòria istorica generau dera societat catalana, des dera mòrt de Franco enquiara actualitat, sense desbrembar era sua estreta interrelacion damb era dinamica istorica deth conjunt der Estat espanhòu e dera rèsta deth mon.
Eth Musèu convide fin finau ath visitaire a participar en un qüestionari interactiu ar entorn de quauques preguntes clau sus era evolucion dera societat catalana contemporanèa.
