Era pintura d’istòria
Es segadors, tanben dit Còrpus de sang, d’Antoni Estruch Bros (Sabadell, 1873 - Buenos Aires, 1957), ei ua òbra tipica deth concèpte artistic ueitcentista. Siguec executada en ua epòca de confusion, quan er artista auie ja perdut eth sosten deth sòn mecèna, Francesc Ponsà. Curiosament, totun, alavetz pintèc es dues òbres que, maugrat es polemiques, mès reputacion obtengueren: Es segadors (1907) e Er onze de seteme deth 1714 (1909). Se’n hec ua difusion sustot grafica, per çò qu’era litografia Madriguera ne comercializèc eth madeish 1907 ua oleografia, que connectèc damb eth sector esteticament mès tradicionalista deth fòrt catalanisme alavetz dominant.