Eth Musèu d’Art de Sabadell consèrve ua significativa colleccion de cartèus originaus dera Hèsta major e dera Amassada dera Salut de Sabadell, des ans 1905 ath 1939. Destaque era coeréncia der ensemble que permet eth seguiment dera evolucion deth dessenh grafic, deth Modernisme ath Naucentisme, deth timid art déco ath cubisme o ar expressionisme.
Es cartèus èren escuelhudi per concors e seguien ua iconografia tradicionau: tostemp apareishie er escut e era siloeta dera ciutat, referéncies ath benèster economic e ara industria, era hemna soent ère era protagonista, vestida segons era epòca coma pobilha catalana o coma hemna de mon, era hèsta se suggerie mercés as bandaròles, lumenons chinesi, huecs d’artifici, etc.