Retaule de Sant Pere de Púbol, Bernat Martorell, 1437. Pintura ara destrempa sus husta, 490 × 370 cm. Glèisa de Sant Pere de Púbol. Musèu d'Art de Girona - Hons Bisbat de Girona.
Aguest retaule ei ua des òbres mès remercables deth gotic internacionau en Catalonha. Siguec realizat per Bernat Martorell entà ornar era absida dera glèisa parroquiau de Sant Pere de Púbol. Martorell dirigic un des talhèrs mès remercables deth moment, e aguesta ei ua des sues òbres mès representatives.
Ei dedicat ara vida e martiris de sant Pèir, que se represente ena taula centrau coma prumèr Papa dera Glèisa e entornejat peth collègi des cardenaus. As sòns pès i a pintadi es donants dera òbra. Bernat de Corbera, era sua esposa Margarida de Campllong e eth sòn hilh Francesc, en un gèst de pietat mès tanben d'orgulh e de poder sociau.
Dera òbra, se n'a conservat eth contracte d'encargue, de 1347, que detalhe es scènes a pintar e, tanben, es colors a emplegar, especiaument eth blu d'azurita, eth vermelhon e eth verd de malaquita.
