Cercaire de musèus e localitats

Museu d’Art de Girona

Maridatge dera Mair de Diu

Maridatge dera Mair de Diu, Francesc Generes, 1677. Talha de husta daurada e policromada, 220 x 134 x 44 cm. Glèisa de Sant Feliu, Girona. Musèu d'Art de Girona - Hons Bisbat de Girona.

Maridatge dera Mair de Diu, Francesc Generes, 1677. Talha de husta daurada e policromada, 220 x 134 x 44 cm. Glèisa de Sant Feliu, Girona. Musèu d'Art de Girona - Hons Bisbat de Girona.

Ensem format per tres figures exemptes e un scenari de hons en relèu a on se diboishen quauques arquitectures e dus personatges, un òme e ua hemna, en relèu, adorsadi. Amassa conformen ua scenografia que represente eth maridatge de sant Jusèp e era Mair de Diu, assistit per un sacerdòt e dus testimònis. Era solucion finau ei ua composicion atapida e d'ua cèrta desproporcion. Totun, es talhes demòstren un bon ofici der escultor e er interès pes detalhs ena policromia e es detalhs decoratius.

Tot eth conjunt ei procedent dera glèisa de Sant Feliu de Girona, e se considère òbra de Francesc Generes, membre d'ua familha de hustèrs e escultors de Manresa, establit en Barcelona de cap a 1656 e documentat en Girona entre es ans 1674 e 1680. Generes contractèc damb era confraria des Desemparats, eth 20 de seteme de 1677, era fabrica d'un retaule entara glèisa de Sant Feliu.

scroll to top icon