En aguest païsatge ivernau deth pintre d'Olot Joaquim Vayreda mòstre ua bucolica scèna de pastura que se fusione damb er entorn coma un element mès dera natura, damb un excellent equilibri dera composicion e enes colors blus e es verds. Ua vision des entorns d'Olot qu'èren fòrça propdans der autor e que sabec captar cargadi d'atmosfères e trabalhar damb pincelades liures que s'apròpen ar impressionisme.
Vayreda siguec un des païsagistes catalans mès destacadi deth sègle XIX. Format ena Escòla de Bères Arts d'Olot, completèc estudis en Barcelona, jos eth mestratge de Martí Alsina, e en París, a on coneishec era òbra des prumèrs impressionistes. De retorn en Olot, fondèc eth Cercle Artístic d'Olot, nuclèu dera que s'a nomentat Escòla païsagistica d'Olot.