Cercaire de musèus e localitats

Museu d’Art de Girona

Eth sètge de Girona de 1809 (esbòç)

Eth sètge de Girona de 1809 (esbòç), Ramon Martí Alsina, de cap ath 1859. Òli sus tela, 47 x 84.5 cm. Musèu d'Art de Girona - Hons d'Art Deputacion de Girona.

Eth sètge de Girona de 1809 (esbòç), Ramon Martí Alsina, de cap ath 1859. Òli sus tela, 47 x 84.5 cm. Musèu d'Art de Girona - Hons d'Art Deputacion de Girona.

Esbòç preparatòri dera òbra Eth Gran dia de Girona, ua òbra de granes dimensions, 11 mètres d'amplada, qu'eth pintre non dèc jamès per acabada e entara quau hec un important nombre d'esbòci e variacions de diferentes mides e fòrça diboishi. Era tematica ei era resisténcia eroïca dera ciutat de Girona pendent eth sètge napoleonian de 1808 e 1809: sus un hons de païsatge desdiboishat, s'i endovien diferenti endrets dera ciutat. Es personatges i son apuntadi damb ua pincelada liura e espontanèa que contraste damb era rigidesa e er academisme dera òbra finau.

Martí Alsina siguec un des artistes claus ena renovacion dera pintura catalana modèrna e desvolopèc ua grana diversitat de genres, des quadres d'istòria a païsatges realistes enes quaus demòstre eth sòn interès pera captacion des efèctes dera lutz e era atmosfèra.

Eth Gran dia de Girona, era òbra definitiva, proprietat deth Musèu Nacionau d'Art de Catalonha, se pòt veir aué installada en auditòri der antic Espitau de Santa Caterina.

scroll to top icon