Calvari, Mèstre Bartomeu, sègle XIII. Pèira calcària, 111 x 101 x 34 cm. Catedrau de Santa Maria, Girona. Musèu d'Art de Girona - Hons d'Art Deputacion de Girona.
Calvari format per cinc escultures exemptes que representen a Crist ena crotz, a sant Joan e ara Mair de Diu costejadi pes dus lairons. Es imatges talhades en pèira nummulitica de Girona, consèrven rèstes de policromia e daurats e son un exponent dera transicion estilistica deth romanic entath gotic, damb un tractament mès arcaïzant enes còssi, que constraste damb eth trabalh des ròbes e vestits. Eth conjunt coronaue un portau dera catedrau de Girona que comunicaue era clastra damb eth cementèri des preires, hèt que condicionèc era proporcion des figures, pensades entà èster vistes de baish entà naut.
Bèri estudis atribuïssen era òbra ath mèstre Bartomeu, escultor format probablament en talhèr qu'escultèc era clastra dera catedrau de Girona e considerat un des introductors der estil gotic en Catalonha.
