Biga romanica procedenta deth monastèri de Sant Miquel de Cruïlles (Baish Empordan).
Ei decorada damb motius floraus per dues cares e ena frontau s'i diboishe ua scèna liturgica. En un extrem, deuant d'un temple romanic, un abat damb cròça costejat per dus preires que tenen un gremiau o drap liturgic. Ara seguida, ua succession de monges abilhadi damb diuèrses ròbes eclesiastiques —aubes, casubles, dalmatiques e estòles—, toti èri de perfil e tonsuradi, auancen en procession tà dreta. Bèri uns tenen objèctes coma candelèrs e encensèrs, libres, ua bacina e ua crotz, e toti eri an era boca entredubèrta, en actitud de cantar. De manèra descriptiva, era scèna vierie a representar un rituau o ceremònia pròpria dera comunitat benedictina deth monastèri.