Bòl de Besalú, sègle X. Veire bohat e talhat, 11,2 x 13,1 Ø cm. Glèisa de Sant Vicenç de Besalú. Musèu d'Art de Girona - Hons Bisbat de Girona.
Datat en sègle X, aguest bòl, que contenguie monedes d'òr, siguec trapat er an 1936 per Joan Subias en absida dera glèisa de Sant Vicenç de Besalú, amassa damb d’auti reliquiaris. Ei especiaument remercable eth bon estat de conservacion dera pèça, atau coma era tecnica d'execucion e era iconografia. Talhat en cristal de ròca, presente un decòr en relèu de dus audèths, molt estilizadi, enfrontadi e costejadi per motius geometrics.
Un estudi recent sosten qu'era origina deth bòl ei enes territòris d'Al Andalús o en Magrèb, e escarte tèsis anteriores que lo plaçauen ena Àsia Menora, Egipte o Iran.
