Aguesta pintura ei ua des òbres mès destacades de Prudenci Bertrana. Datada en 1917 coïncidís en moment just qu'er autor abandonaue temporaument es ànsies de pintre entà dedicar-se plenament ara escritura, activitat ena quau excellic. Un finau d'etapa que coïncidís damb eth sòn traslat definitiu de Girona entà Barcelona.
Era vision nocturna des cases d’Onyar, damb era catedrau ath hons, presidida per ua grana lua plea qu'accentue eth rebat des façades en riu, en ua sinfonia de blus e magentes. Ua imatge que semble illustrar era descripcion que recuelh Bertrana en sòn roman autobiografic El vagabud, quan eth protagonista contemple de net era ciutat damb «era pintoresca tiera de cases vielhes e desparières reflectida confusament ena aigua espessa e calma deth riu».