Era Èra Cristiana, Joaquim Espatller i Rull, 1871. Òli sus tela, 275 x 400 cm. Musèu d'Art de Girona - Depòsit Museo Nacional del Prado.
Aguesta pintura, de granes dimensions, ei ua òbra allegorica que represente eth trionf dera religion cristiana sus eth paganisme. Un grop de cristians, amiadi pera representacion femenina dera Èra Cristiana, auance luminós des dera dreta. L'acompanhen es tres vertuts teologaus (fe, esperança e caritat), seguides des prumèrs cristians. Es representacions des sèt pecats capitaus completen era allegoria, qu'a coma hons era Roma pagana. Deth Colisèu, scenari de martiris, ne nèish un arcolan qu'anóncie eth cambi d'èra. Aguesta òbra e eth sòn autor, Joaquim Espalter, son un des milhors exemples deth movement nazaren en Catalonha, que pretenie renauir er art religiós damb un nau lenguatge pictoric.
Era pintura participèc ena Exposicion Nacionau de Bères Arts debanada en Madrid en 1871 e siguec aquerida per Estat en 1874. Dus ans dempús, en 1876, eth Museo Nacional del Prado la deposèc en musèu provinciau de Girona, amassa damb onze òbres mès d'autors contemporanèus, majoritàriament catalans.
