Cercaire de musèus e localitats

Museu d’Art de Girona

Mair de Diu damb eth Mainatge e un àngel

Jan Massys (1509-1575) (atribuït). Vèrge damb er Enfant e un àngel, sègle XVI, destrempa, òli sus husta, 74 x 45 cm, Musèu d'Art de Girona - Hons d'Art Deputacion de Girona

Jan Massys (1509-1575) (atribuït). Vèrge damb er Enfant e un àngel, sègle XVI, destrempa, òli sus husta, 74 x 45 cm, Musèu d'Art de Girona - Hons d'Art Deputacion de Girona

Aguesta òbra sus taula proven der antic Musèu Provinciau d'Antiquitats e Bères Arts de Girona, a on entrèc segurament procedenta de bèra colleccion particulara. En bèth moment s'auie considerat deth cercle de Leonardo da Vinci, per ben qu'estudis mès recenti l'an atribuït ath pintre flamenc Jan Massys. Ua ipotèsi que, ath delà dera comparason estilistica, s'a refortit damb era analisi de pigments qu'apròpen era taula ara cronologia e geografia der artista. 

Jan Massys (tanben dit Matsys, Metsys o Matsijs) siguec un membre destacat d'un linhatge de pintres d'Anvèrs. Ena sua òbra, s'i destillen es influéncies des primitius flamencs e era assimilacion des formes e estils deth sud d'Euròpa, especiaument dera escòla de Leonardo da Vinci. Ues caracteristiques evidentes en aguesta òbra: un hons de païsatge de tradicion nordica e ua formulacion deth grop de figures —era Vèrge, eth Mainatge e un àngel—, de grana delicadesa e clarament italianizant.

scroll to top icon