Retaule de Sant Estève Prumèra mitat deth sègle XVI. Òli sus husta, 150 x 91 cm. Glèisa de Sant Esteve d'en Bas. Musèu d'Art de Girona - Hons d'Art Deputacion de Girona.
Deth retaule major dera glèisa de Sant Esteve d'en Bas sonque se consèrven dues taules: era Ressurreccion des sies mòrts en Musèu Nacionau d'Art de Catalonha e aguesta der Enterrament de Sant Estève en sepulcre de Sant Laurenç, deth Musèu d'Art de Girona. S'i represente er enterrament oficiat peth papa Pelagi II des reliquies de Sant Estève ena tomba de Sant Laurenç en Roma.
Era òbra a estat atribuïda ath pintre de Vic Pere o Perot Gascó, que dirigic pendent decades un prestigiós talhèr eretat de sa pair. Gascó siguec molt influït pes artistes flamencs, per ben qu'anèc indroduïnt italianismes d'estil reneishentista, sustot gràcies ara còpia d'estampes e gravats de mèstres nordics e italians qu'en aquera epòca circulauen per Catalonha.
