Crist en majestat, sègle XII. Talha de husta policromada 103 x 106 x 11,2 cm. Monastèri de Sant Miquel de Cruïlles. Musèu d'Art de Girona - Hons Bisbat de Girona.
Eth Crist en Majestat de Sant Miquel de Cruïlles ei ua representacion deth crist crucificat molt caracteristica der art romanic catalan. Ei un crist viu, trionfant. Era crotz a on ei clauada era imatge, de husta pintada damb motius ornamentaus, ei anteriora, probablament deth sègle XI. Siguec reaprofitada, e en part escapçada, entà incorporà'i era naua escultura, en sègle XII. Per açò, jos es pès de Crist demore amagada era inscripcion pintada "Que sò Diu e me venen / Que sò rei e en aguesta crotz me pengen". Ena part deth darrèr dera crotz, enes extrems, encara son visibles es simbèus des quate evangelistes e, en centre, era representacion simbolica der Anhèth de Diu (Agnus Dei) qu'evòque era figura de Crist coma ofrenda en sacrifici entà redimir es pecats dera umanitat.
