Era Mair de Diu deth Salvador o de Puig-alder date de finaus deth sègle XII, per ben que siguec descorbida en 1984 laguens d'un des murs dera capèla de Sant Salvador, solet vestigi der antic Castèth de Puig-alder en municipi de Les Planes d'Hostoles (Garròcha).
Era talha, a despiet d'èster molt maumetuda e d'auer perdut ath Mainatge que deuie auer ena hauda, consèrve encara era part nauta e es rèstes dera policromia originau. Resulte un clar exemple dera tipologia des madònes romaniques de tradicion bizantina: estilizacion, simetria e frontalitat, ròstre ovau, uelhs ametladi, nas rècte e boca clausa sense expression ni arridolet, que denòte era severitat e distància d'ua figura divina. Uns atributs qu'encaishen damb era idèa dera Mair coma tron deth Hilh que lo presente e aufrís ath mon.