Absida, Mèstre de Pedrinyà, finaus deth sègle XII - principis deth sègle XIII. Fresc traspassat a tela, 460 x 335 x 227 cm. Glèisa de Sant Andreu de Pedrinyà. Musèu d'Art de Girona - Hons Bisbat de Girona.
Es pintures muraus dera absida de Sant Andreu de Pedrinyà (La Pera, Baish Empordan) son un des exemples mès remercables de pintura murau der encastre gironin. An estat datades entre finaus deth sègle XII e principis deth sègle XIII. Pintades ath fresc, desvolopen un complèt repertòri iconografic presidit peth Crist en Majestat laguens d'ua mandòrla, costejat peth Tetramòrf, figuracion simbolica des quate evangelistes. En un aute nivèu, per dejós d'ua òrla damb inscripcion descriptiva, i discorren scènes coma era Visitacion, era Anonciacion a Maria, era Neishença e era Anonciacion as pastors; en un nivèu inferior i veiguem elements decoratius de cortinatges.
