Sales 9-12. Renaixement.
Era pintura gironina deth sègle XVI ei representada en bona part per artistes estrangèrs qu'incorporauen elements reneishentistes ath gotic flamenc. Un clar exemple d'aguest hèt lo trapam en retaule de Sant Feliu de Girona, entamenat en 1504 e acabat en 1520. Participèren ena sua elaboracion pintres coma Perris de Fontaines (França) e Joan de Borgonha (Alemanha) qu'aportèren naues formes de representacion, pròpries des corrents mès auançadi deth moment. Es estampes e gravats ajudèren a difóner naui modèls de representacion que lèu se reflectiren ena pintura catalana. Jos era influéncia d'aguestes naues formes se harguèc er estil de Pere Mates, pintre originari de Girona e un des mès importants ena sua epòca, deth quau s'expòsen diuèrsi retaules.
