Era seleccion d'òbres exposades en aguestes sales mòstre es maximaus representants deth realisme e deth romantisme que trabalhèren enes tèrres gironines: Ramon Martí Alsina, damb un des sòns nombrosi esbòci entà Eth Gran dia de Girona; Modest Urgell, Pons Martí, Graner o Pigem. Era escòla realista d'Olot, entamenada en sègle XIX per Joaquim Vayreda, tanben i ei presenta. Atau madeish, i a lòc entàs corrents deth modernisme damb òbres de Santiago Rusiñol, que realizèc diuersi sejorns ena ciutat de Girona. Clauen eth recorrut òbres de Prudenci Bertrana e Josep Aguilera, des quaus cau destacar Cap de hemna, de Fidel Aguilar, e Er Onyar en Girona, de Mela Muttermilch, totes des prumèrs decènnis deth sègle XX.