Reliquiari en forma de bust damb era imatge d'ua santa sense identificar procedenta deth Palai Episcopau de Girona. Ei elaborat en plata suberdaurada e repossada. En miei deth pitrau i a un recipient ovalat entornejat de pèires vermelhes e ua pèira encastrada mès grana plaçada en centre dera part superiora, a manèra de flor. Aciu ère a on se sauvauen, visibles, es reliquies dera santa que se veneraue.
Es busti reliquiaris acostumauen a presentar-se en autar enes celebracions liturgiques en aunor deth sant o dera santa o ben acompanhar es processions religioses. Èren un atractiu entàs fidèus e credents e gaudiren d'ua grana popularitat a compdar dera Contrareforma catolica, quan se metec enfasi ena credença ena capacitat d'intercession des sants e des reliquies.