Aguesta pintura hè part d'un ensems d'òbres deposades en Girona peth Musèu deth Prado ara fin deth sègle XIX e qu'auie hèt part des colleccions reiaus.
Ei òbra d'Andrea Vaccaro, pintre napolitan que se caracterizèc per un lenguatge plen d'inventiva e creativitat, destillat a compdar des proposicions mès renovadores deth naturalisme e deth classicisme barròc. Siguec un artista qu'auec un gran succès en sòn moment e fòrça des sues òbres sigueren exportades ath Règne d'Espanha entà bastir palais e residéncies nòbles. Aguesta pintura coïncidís damb eth periòde de produccion mès notabla, entre 1635 e 1660. En era, s'i descriu, de manèra velada, era istòria incestuosa de Lòt embriagat pes sues hilhes, dempús dera destruccion dera ciutat de Sodòma e dera conversion dera sua hemna, Sara, en estàtua de sau, visibles en hons quèrre dera composicion.