Eth baptisme de Crist, Alessandro Turchi, de cap a 1630. Òli sus tela, 158 x 133 cm. Musèu d'Art de Girona - Depòsit Museo Nacional del Prado.
Era òbra testimònie eth succès qu'Alessandro Turchi, pintre d'origina veronesa, artenhec damb era sua activitat romana e eth prestigi deth son art demest era nauta aristocràcia colleccionaira. S'agís d'un quadre d'ua execucion preciosa que, damb nòtes de naturalitat, òpte per ua composicion classicista ena quau scenari, lutz, cromatisme e sentimentalitat se fusionen en ua delicada armonia. Aquerida en Itàlia damb destinacion tath Palacio del Buen Retiro de Madrid, passèc a hèr part des Colleccions Reiaus e, d'aguestes, as deth Museo Nacional del Prado, que les deposèc en musèu provinciau de Girona en 1882.
