Tèrra coduda que represente ath diu Bès coma un nan d'aspècte grotesc, vist frontaument, damb ua man lheuada, barbut, treiguent era lengua e vestit damb pelhòt cuert. Deuie portar un plumalh sus eth cap, que non s'a conservat, e ei fòrça probable que siguesse totaument decorat damb policromia. Eth diu Bès ère ua divinitat qu'aqueric importància en panteon egipcian ath long deth temps, e que siguec adoptada pes fenicis, que la difoneren per tota era Mediterranèa. Ère ua divinitat familiara que protegie era casa e as sòns estatjants en generau, especiaument as hemnes embarassades e as que dormissen.