Sarcofag des estacions, Empúries (Naut Empordan), epòca romana, s. IV dC.
Sarcofag de tradicion romana non cristiana, a on destaque eth ric decòr, autant dera caisha coma dera tampa. Es figures dera caisha personifiquen es quate estacions. Ena part centrau i a eth bust deth defunt laguens d'ua cauquilha (clipeus) flancat per dus gènis aladi e per dues petites Victòries. Dejós, ua scèna deth mite de Selene e Endimion. Ath dessús trapam ua cartèlla tenguda per dus gènis aladi, a on i auie d'anar eth nom deth defunt. Ena part superiora, i a dus grops de figuretes que reprodusissen scènes agricòles deth mon roman: era produccion der òli e deth vin.
