Enes sepulcres magalitics se trapen soent es mobiliaris qu'acompanhen as defunts, laguens des quaus destaquen es pèces qu'auien foncions ornamentaus, coma es grans de colharets de diferenti materiaus. Era preséncia d'òr mos indique que pertanhien a personatges d'un cèrt nivèu sociau.
Eth coneishement des tecniques restacades ara metallurgia cau relacionar-lo damb eth trabalh de
diuèrsi metaus, coma er òr e eth coire, qu'an un punt de fusion similar (±1050 aC). Er òr natiu ei eth metau mès manejadís e ductil que se coneish. A causa dera facilitat que s'i trabalhe, ei un des prumèrs metaus emplegadi ena preïstòria catalana, e apareish en neolitic finau.