Vista parciau dera sala 1.
Aguesta sala se centre ena explicacion dera activitat umana des dera aparicion der òme enquiara edat des metaus.
Es prumèrs indicis de poblament uman en Euròpa e ena peninsula remonten enquia hè un milion d'ans, moment que s'inicièc eth paleolitic. Aguesta mès que longa estapa s'inicièc en Catalonha hè 700 mil ans e finalizèc hè apruprètz 7.500 ans damb eth començament deth neolitic.
Damb era revolucion neolitica, er òme passe d'èster caçaire e recollector, coma en paeolitic, a agricultor e ramadèr. Se domestiquen espècies de cereaus e leguminoses, atau coma animaus. Aguesti grani cambiaments enes estrategies de subsisténcia vien acompanhadi der abandonament d'ua vida nomada e era construccion de grani poblats. Peth prumèr còp, se fabriquen airines de pèira polimentada, ceramica e teishuts.
Es formes d'enterrament, qu'iniciaument se caracterizauen per èster individuaus, evolucionen entà formes mès complèxes e mès monumentaus, e da lòc ath megalitisme.
