Vista parciau deth claustre deth monastèri.
Eth monastèri de Sant Pere de Galligants, que sonque ne demoren visibles era glèisa e eth claustre, ei ua des mòstres mès notables deth romanic catalan. Non se coneish era data de fondacion, mès peth contengut deth document mès vielh que se consèrve dera sua existéncia, der an 988, poderie auer estat fondat peth comde Borrelh II.
Atau coma se coneish actuaument, se bastic ena prumèra mitat deth sègle XII. Ena darreria d'aquest sègle s'acabèc eth claustre.
Eth monastèri non seguís es paramètres caracteristics des monastèris dera madeish epòca.
Era glèisa, de planta basilicau, a un decòr de grana qualitat, que ne podem destacar es capitèus dera nau centrau. Tanben son remarcables era pòrta principau e era sua magnifica rosassa.
Eth claustre, magnificament escultat, ei de planta rectangulara e de dimensions redusides. Destaquen bèri capitèus damb motius decoratius diuèrsi, coma tèmes deth Nau Testament, scènes dera epòca o decòrs vegetaus, geometrics o d'animaus.
