Vista dera sala monografica deth musèu a on s'expòse era escultura grèga d'Asclèpi e eth fragment esculturau dera sèrp.
Estatua de marme que represente ua divinitat masculina damb barba e mantèu, identificada tradicionaument damb Asclèpi, diu grèc dera medecina. Siguec escultada en dues parts qu'encaishen peth tòrs. Procedís d'un talhèr ellenistic dera Mediterranèa orientau e aurie arribat en Empòrion enes darreries deth sègle II aC.
Es diuèrses parts dera estàtua se trapèren en Empúries er an 1909, ena terrassa superiora des santuaris, plaçadi en sud dera ciutat grèga. Es sòns trèts iconografics, amassa damb eth hèt que se trapèssen fragments dera representacion d'ua sèrp, heren que s'indentifiquèsse damb et diu grèc Asclèpi, er Esculapi roman.
