Sala Tragèdia al call. Tàrrega 1348 damb es apòstols gotics en prumèr tèrme.
Era exposicion permanenta mos explique era Tàrrega deth sègle XIV e ac hè a compdar de pèces provenentes des excavacions arqueologiques enes Roquetes e en carrèr de la Font, atau com de materiaus escultorics provenents des hons deth musèu.
Es pèces mos expliquen com, a darrèrs deth sègle XIII e enquiath prumèr tèrç deth sègle XIV, era petita vila sorgida ath torn deth castèth experimente un gran desvolopament economic (representat pes apòstols, Maredediu e elements arquitectonics de diferenti convents) e com es diferentes crisis economiques a compdar de 1333 enrarissen era convivéncia entre judius e cristians, qu’esclatarà damb era arribada dera Pèsta Nera en 1348 e era revòuta contra era comunautat judiva.
Es excavacions en cementèri medievau judiu des Roquetes an permetut, ath delà de documentar diferenti aspèctes funeraris, documentar era revòuta de 1348. Aguesta revòuta, ena quau moriren segontes es hònts lèu 300 judius, se documente tanben en call, en jadiment deth carrèr de la Font.
