Aguesta moneda mos apòrte informacion sus ua casa dera moneda extrèmament desconeishuda. Eth cap masculin der avèrs ei fòrça comun en ua grana part des encunhacions monetàries iberiques. Per contra, era figura des dues protòmes de shivau damb es pautes lheuades deth revèrs ei un cas unic. Era inscripcion demòstre qu’eth nòm dera actuau comarca dera Segarra a era sua origina ena denominacion iberica Sikarra, hèt que hè a recular en 200 ans apruprètz era data enquia ara acceptada entara origina d’aguest toponim.