Banc de hustèr de finaus deth sègle XIX o començaments deth XX hèt damb husta e hèr. Aguesta pèça encara consèrve rèstes dera pintura verda originau. Eth banc permet assubjectir comodament es taulons e listrons e, ath delà, facilite trabalhar a ua nautor adequada. Eth Musèu consèrve diferenti utisi restacadi damb eth trabalh de hustèr: rebòt de motladures, raspa de mieja cana, bovet, esquadra, virabarquin, fresa tà huelhura, garlòpa, góbia e sèrres. Es mèstres d’aisha utilizauen aguesti bancs entà dar forma a pèces especifiques des vaishèths.