Reconstruccion d’ua codina de finaus deth sègle XIX e començaments deth XX, damb utisi variadi d’usatge domestic
Era vida quotidiana de Calella ei representada a compdar des colleccions d’objèctes deth laguens e d’airines emplegades entà diferenti mestièrs.
Eth musèu mòstre es utisi de besonh entath trabalh des hustèrs, botèrs, haures, hèrblanquèrs, pagesi e mèstres d’aisha. Er espaci hè a brembar era importància d’utisi manuaus coma es garlòpes entà aplanar era husta, es viradents entà acoblar es caperaders des barriques, er estacader entà dar-les forma, es aishes entara fabricacion d’embarcacions o eth gat manuau entà lheuar grani pesi. Destaquen, ath delà, ua premsa de vin deth sègle XIX, ua tradicionau maquina rafinadura d’ametles deth 1910 e un molin manuau entà mòler cacau e hèr chicolate. Aguest darrèr, anterior ath 1850 e un des pòqui que se consèrven actuaument, da ua idèa dera importància qu’auec entara ciutat era arribada de productes exotics damb er apogèu deth comèrç otramarin.
Er espaci se complète damb colleccions d’utisi d’usatge domestic, coma pèces de terralha, cantres d’òli, òlhes e gèrles de ceramica nera. Cau mencionar mès que mès ua pera entar òli e vinagre deth sègle XIX, ua romana deth 1841, uns pesi metallics usadi abans dera implantacion deth sistèma metric decimau, ua chicolatèra e ua embutadora deth sègle XIX.
