Er an 1987 se hec ua descubèrta sensacional ena villa romana de Vilauba (Camós). Ath pè dera paret oèst d’ua cramba o larari dera part nautimperiau (I-III dC), dedicada ath culte domestic, se recuperèren tres figures de bronze, damb es sòns pès troncoconics, que corresponien a ua Fortuna, un Mercuri e un Lar. Aguesta sòrta de dius son es que se tròben normaument enes cases de camp romanes, a on era devocion pera riquesa, eth comèrç e es ancessors despassaue de fòrça ara qu’auien pes grani dius deth panteon roman.