Sala der Òme

Era sala ei presidida per ua maqueta geologica dera comarca que permet plaçar, diferenciadi per cronologies, es diuèrsi jadiments coneishudi. Tanben s’i expause ua replica en gip dera famosa maishèra de Banyoles atau coma diuèrses pèces procedentes dera peirèra deth Plan de la Formiga (Porqueres), entre es quaus era emprenta de diuèrses huelhes sus blòcs de travertin (platan, casse o aseron), e quitament dera pluma d’un audèth dera familha des ardeïds. Uns plafons lateraus expliquen, de manèra didactica, eth procès d’ominizacion.