Reliquiari de mejan sègle XV, elaborat pera familha d’argenters gironins Artau, considerat un des milhors exemples dera orfebraria gotica catalana. Se tracte d’ua caisha de husta de ciprès damb forma de temple e recorbida d’argent, en interior dera quau i a es relíquies de sant Martirian, patron de Banyoles. Originaument, era arqueta ère ornamentada damb 28 figures de sants, qu’en 1980 sigueren panades peth lairon internacionau d’art Erik eth Bèlga. Aué dia, encara non s’an pogut recuperar totes es figures.