Eth Carnèr des abats ei un conjunt de quate sepultures abaciaus encastrades ath mur dera galaria èst deth clastre. De baish a naut, i trobam es sepultures der abat Ricard, mòrt eth 10 de mai de 1154; er abat Ug, mòrt eth 8 de seteme de 1172; er abat Pere Benet, mòrt eth 16 de gèr de 1196, e er abat Guillem de Cartellà, mòrt eth 10 de junh de 1252. Bères ues des sepultures son signades pes picapeirèrs que les heren, coma Guillelmus de Garriganis (1196) e Marimon de Cigis (1252).