Es pales èren er element mès important deth rodet. Segons se com siguessen plaçades e clinades, depenie eth sòn foncionament. Mola de Salardú. Musèu dera Val d'Aran.
Eth rodet ère er element principau dera mòla, pr'amor que per mejan d'eth se transformaue era energia idraulica en mecanica. Se tractaue d’ua arròda circulara damb pales en tot eth radi, plaçada horizontalament sus eth banc. Era aigua, en quèir peth canau, empenhie es pales e hège a virar eth rodet, ath madeish temps qu'ac hège era pèira rodèla, junhuda ada eth per un èish o arbe.
Era Mòla de Salardú auie originalament tres rodets, qu'un d'eri se desplacèc mès tard entà activar eth cerneder.
Eth rodet mès ancian dera mòla ère de husta, refortiat damb ua beta de hèr exterior.
