Quauqui granatges coitivadi en Aran èren eth seguel, eth horment, eth morisco, eth uerdi e eth milhòc. Mola de Salardú. Musèu dera Val d'Aran.
Era prumèra referéncia escrita coneishuda sus aquera anciana mesura de gran ei un document de 1175. En març d’aqueth an, eth rei Anfós I autregèc as aranesi, ath monastèri de Sant Andreu de Barravés de Vilaller, en Ribagòrça, eth tractat d’emparança. En vertut d’aqueth, es aranesi arreconeishien ath rei d’Aragon coma senhor naturau e, en contrapartida, eth rei les prenie jos eth sòn emparament e les garantie es sues libertats seculares en escambi d’un tribut, eth galin reiau. Aqueth tribut consistie en pagament annau d’aquera mesura, en tot equivàler a 10,5 litres, per part de cada casa o larèr.
