Cercaire de musèus e localitats

Mòla de Salardú

En tot produsir energia

Eth molièr podie observar tot çò que passaue en arrèc a trauès d’un bocai plaçat en tèrra.

Eth molièr podie observar tot çò que passaue en arrèc a trauès d’un bocai plaçat en tèrra.

Ua des granes riqueses naturaus d’Aran ei era aigua, que des dera net des tempsi a estat profitada pera populacion aranesa coma hònt d’energia.

Era aigua arribaue, en trauès d’un canau, des der arriu enquia ua petita restanca plaçada deuant dera mòla. Aquera madeisha aigua ère tanben profitada en sòn trajècte pes lauadèrs publics e peth ressèc, que se plaçauen ar entorn dera bastissa dera mòla.

En interior dera mòla, tres manetes permetien lheuar es compòrtes per a on s’introdusie era aigua que se canalizaue enquiar arrèc. Aqueth ère er espaci plaçat dejós dera mòla, a on i auie es tres engenhs que metien en foncionament es pèires de mòler. Aqueri engenhs èren formadi principalament peth banc, eth rodet, er arbe e era pèira rodèla. Sus eth banc plaçat en tèrra, se plaçaue eth rodet. Aguest, per miei der arbe, se junhie ara pèira rodèla o giratòria. Era aigua que quège peth canau empenhie eth rodet e lo hège a virar, ath madeish temps qu'ac hègen er arbe e era pèira rodèla. Ei çò que coneishem coma sistèma de transmission dirècta.

OBJÈCTES

<p>Ua petita estructura de husta permetie de mantier eth banc en s&ograve;n l&ograve;c.</p>
Banc
Banc
<p>Es pales &egrave;ren er element m&egrave;s important deth rodet. Segons se com siguessen pla&ccedil;ades e clinades, depenie eth s&ograve;n foncionament.</p>
Rodet
Rodet
<p>Er arbe demoraue f&ograve;rtament subj&egrave;cte ath rodet per miei de diu&egrave;rses conhes.</p>
Arbe
Arbe
scroll to top icon