Ramon Casas e Pere Romeu en ua automobila, Ramon Casas, 1901. Òli sus tela, 208 x 291 cm. MNAC - Musèu Nacionau d’Art de Catalonha. Barcelona.
Pintura singulara deth modernisme catalan que represente eth pròpri Ramon Casas e Pere Romeu, proprietari dera famosa cerveseria Els Quatre Gats, en tot condusir ua automobila, veïcul pròpri deth sègle XX, que decorava era paret principau dera famosa cerveseria. Eth 1901, aguesta tela ne substituïc ua auta en qu’es madeishi personatges pedalaven en un tandèm, damb era siloeta de Barcelona ath hons. Ambdues òbres an vengut ues des mès emblematiques deth modernisme catalan.
Era finalitat decorativa des dues pintures, eth ton umoristic e er estil les apròpe ara tecnica deth cartèu, genre en quau Ramon Casas auie aquerit un gran prestigi, en tot apropar-se ara estetica der Art Nau e ar art deth gran cartelista francés Tolosa- Lautrec.
